AKING PANALANGIN
Akayin mo ako’t bigyan ng pag-asa
Abutin ang kamay ng pusong may dusa
Dapyuhan ng lingapyaring abang diwa
Nang itong palad ko’y magtamo ng ‘yong awa
Nalayo ako’t naligaw ng landas
Ginugol ang buhay, sinayang ang oras
Liko-likong daa’t madilim na landas
Kaya’t liwanag Mo’y ‘di ko na mamalas
Naging alipin ng palalong mundo
Sinundan ang layaw at lahat ng gusto
Kaya nga’t bumagsak sa dusa at siphayo
Yaman at dangal ko’y kasamang naglaho
Salamat na lamang muli Mong nilingap
Binigyan ng puwang ang aba kong palad
Binangon Mo ako’t Iyo pang niyakap
Binihisang lubos, tinawag na anak
Kaya’t hayaan Mong isaboy sa hangin
Iyong bigyang daan itong panalangin
Papuri’t lwalhati nawa ay tanggapin
Tanging bayad Sa’yo ng Iyong kandilihin.
